Երբ ես կարդացի այս գիրքը այնպիսի տպավորություն էր, որ ինքս ինձ նամակ էի գրել 10 տարի առաջ․ Փաշինյան

Բանտում գտնվելու ամբողջ ընթացքում մտածել եմ «Երկրի հակառակ կողմը» գրքի հրատարակման մասին։ Այս մասին այսօր՝ փոտրվարի 16-ին,  ՀՀ վարչապետ Նիկոլ Փաշինյանն ասել է «Երկրի հակառակ կողմը» գրքի քննարկման ընթացքում:

«Երբ ես դուրս եկա ընդհատակից ու բանտից, ողջ ընթացքում մտածել եմ գիրքը հրատարակելու մասին: 2011թ., երբ ես բանտից դուրս եկա, առաջին բանը, որ մտածեցի, թե ինչպիսին պետք է լինի շապիկը, և շապիկի վրայի  լուսանկարը ես արել եմ բանտից դուրս գալուց մի քանի ամիս հետո 2011 թվականին: Հետո, երբ մտածում էի գիրքը հրապարակել, մի մտավախություն պատեց ինձ, որ սա հոդվածների շարք է ու մեծամտանալ այս աստիճանի պատեհ չէ պարզապես, ու այդպես էլ մնաց: Եվ ահա 2018թ., երբ ես խմբակցության ղեկավար էի, Հայկ Կոստանյանը ինձ հետ հանդիպեց ու խնդրեց գիրքը հրատարակել: Ես ասեցի, որ ինձ անհրաժեշտ է կարդալ այս գիրքը ու հասկանալ, թե ինչ է գրված, եւ երբ որ ես կարդացի այս գիրքը այնպիսի տպավորություն էր, որ ինքս ինձ նամակ էի գրել 10 տարի առաջ»,- ասաց նա:

Փաշինյանը պատմեց, որ այդ ընթերցման արդյունքում էր, որ ծնվեց «Չար տնակ»-ի հեքիաթը, որի կոնտեքստը նրանում է, որ  կարծես թե ԱԺ շենքը, «Ելք» խմբակցության ղեկավարի կաբինետը խժռել են բոլոր այն արժեքները, որ գրքում նկարագրված են․ « Կարծես կերել են իմ հիշողությունը, որպեսզի ես չհիշեմ, թե որն է իմ առաքելությունը, որն է այն խնդիրը, որը պետք է լուծել: Գրքի ընթերցումը ինձ հիշեցրեց, թե որն է իմ գործը եւ այս գիրքը ինձ գործառության մղողհիմնական արժեքը դարձավ»։

Փաշինյանը պատմեց, որ գիրքը գրելու ժամանակ օգտվել է համաշխարհային գրականությունից։

«Ամբողջ ճամփորդությունը գրքերի շարք է, երկխոսություն է հերոսների հետ, և իմ փորձն է մտնել ու ապրել այդ գրքերի մեջ: Վրաստանի հետ կապված բոլոր դրվագները Նոդար Դումբաձեի գրականությունն է, որը ես հենց այդ ընթացքում կարդացել եմ: Սև ծովից դեպի Հունաստան, նավի վրայի երկխոսություններն ամբողջը Եզոպոսի առակներն են: Հայաստանի տարածքում իմաստուն ծերուկը, որ ուղեկցում է, Թումանյանն է: Հետագայում շարունակությունը Կաֆկայի վեպի հետ է  կապված եւ այսպես շարունակ։ Ամեն մի հատված ինչ-որ կոնկրետ գրականության հետ կապ ունի: Ինձ համար հարց էր առաջանում, թե էթիկական տեսակետից ինչքանով է  ճիշտ ուրիշի գրականությունից օգտվելով»,- ասաց Փաշինյանը։

news.am

(Visited 66 times, 1 visits today)