Կառավարությունը որոշում է ընդունել Հայկ Գրիգորյանին Հայաստանի Հանրապետության քննչական կոմիտեի նախագահի պաշտոնից ազատելու մասին:

Ղեկավարվելով «Հայաստանի Հանրապետության քննչական կոմիտեի մասին» օրենքի 20-րդ հոդվածի 5-րդ մասով, 22-րդ հոդվածի 1-ին մասի 2-րդ ենթակետով` Հայաստանի Հանրապետության կառավարությունը որոշում է.

1. Հայկ Գրիգորյանին ազատել Հայաստանի Հանրապետության քննչական կոմիտեի նախագահի պաշտոնից:

Կառավարության մեկ այլ որոշմամաբ՝ Արգիշտի Քյարամյանը նշանակվել է Հայաստանի Հանրապետության քննչական կոմիտեի նախագահ:

«Ղեկավարվելով «Հայաստանի Հանրապետության քննչական կոմիտեի մասին» օրենքի 20-րդ հոդվածի 1-ին մասով`

 

Հայաստանի Հանրապետության կառավարությունը որոշում է.

1. Արգիշտի Քյարամյանին նշանակել Հայաստանի Հանրապետության քննչական կոմիտեի նախագահ»,– ասվում է Կառավարության որոշման մեջ:

Հիշեցնենք, որ այսօր վարչապետի պաշտոնակատար Նիկոլ Փաշինյանը որոշում էր ստորագրել Արգիշտի Քյարամյանին ՀՀ քննչական կոմիտեի նախագահի տեղակալի պաշտոնից ազատելու մասին։